Mfl Sindri

Nú fer að styttast í mót og í dag eru rúmlega tvær vikur í fyrsta alvöru leik sem er bikarinn á móti KFF 16.maí. Þremur dögum síðar eða 19.maí er síðan fyrsti leikur í deild á móti Árborg.

Við spiluðum tvo síðustu leiki okkar í Síldarvinnslumótinu núna með stuttu millibili. Fyrst töpuðum við fyrir Fjarðabyggð 2-1 í leik þar sem við spiluðum líklega okkar besta leik í vetur og áttum ekki skilið að tapa. Atli H skoraði markið úr glæsilegri aukaspyrnu. 

Núna á föstudaginn kláruðum við svo mótið á leik við Hött. Heilt yfir var ég ánægður með þann leik sem endaði 3-2. Aftur spilum við góðan leik á nokkuð háu tempói og allt annað að sjá liðið í dag en fyrir mánuði síðan. Nýr leikmaður frá Bosníu spilaði í þessum leik og leit kappinn vægast sagt vel úr. Hann spilaði hægri bak og skoraði eitt og lagði svo annað upp. 

Nýjir leikmenn eru að bætast í hópinn og strákarnir fyrir sunnan að tínast austur þannig að gæðin í hópnum eru aukast. Anel er að koma til okkar frá Bosníu - Haraldur Bergvinsson frá Fjarðabyggð - Jón Brynjar Jónsson frá Stjörnunni. Seval er svo mættur aftur til okkar og ætlar að taka slaginn með okkur. 

Óli Stefán

Á miðvikudaginn fórum við austur á Reyðarfjörð í leik við Leikni F. Þetta er liður í Síldarvinnslumótinu og var þetta fjórði leikur okkar af sex.

Leikurinn var erfiður eins og svo margir leikir síðasta mánuðinn og enduðu leikar þannig að við töpuðum 5-1. Atli Haralds skoraði mark okkar manna í fyrr hálfleik.

Í dag er hópur okkar allsvakalega þunnskipaður en það eru margir þættir sem spila þar inn . Í þessum hóp voru 5 leikmenn sem voru í hóp leiknum á móti Gróttu sem við spiluðum fjótum dögum fyrr.

Plúsinn við þetta allt saman er sá að mjög ungir og efnilegir leikmenn okkar eru að fá tækifæri. Í leiknum á miðvikudag fengu t.d þrír strákar sinn fyrsta leik, Mirca hans Cobers, Ívar hans Valla og Guðjón Ingibergur. Mirca og Ívar eru í þriðja flokki.

Lið okkar var þannig skipað.

    Kobbi í marki

    Óli Stefán og Sindri Ragnars hafsentar

    Þorlákur Helgi og Þorgeir Dan bakverðir

    Atli H - Ingvi Sig - Sverrir á miðjunni

    Mirca og Guðrjón Bjarni á vængjum

    Hallmar frammi

Á bekknum voru - Óli Jóns - Guðjón Ingibergur- Ívar Valla - Felix Þór

Óli Stefán

Nú um helgina verður fjórði leikur okkar í deildarbikarnum. Við spilum við Gróttu á Seltjarnarnesi á laugardaginn kl 16.00. 

Grótta féll úr 1.deild í fyrra og má því gera ráð fyrir þvi´að um topp 2.deildar lið sé að ræða. Þeir hafa unnið báða leiki sína í mótinu þannig að við erum að fara í hörku leik. 

Óli Stefán

Það er alveg óhætt að segja að þessi helgi hafi verið erfið andlega og líkamlega. Úrslit síðustu leikja er eitthvað sem er alveg nýtt fyrir undirritaðan og brekkan ansi brött í dag. 
Við töpuðum á föstudag 5-0 fyrir KV í leik þar sem staðan var 2-0 og 5min eftir. Við vorum slæmir í fyrri hálfleik en góðir í þeim seinni og var refsað svakalega undir lokin. 
Í dag spiluðum við síðan við Aftureldingu og af 18 manna hópi á föstudag þá voru 12 leikhæfir í dag. 4-0 gefur ekki alveg rétta mynd af leiknum þar sem við fengum nú 3 algjör dauðafæri og plús það að Hallmar er sloppinn í gegn í fyrri hálfleik og er strauaður niður. Dómari leiksins dæmdi aukaspyrnu og gult spjald sem er alveg heint með ólíkindum. 
Það er ljóst að það er mikill mótivindur þessa dagana og skrefin þung í dag. Jákvæðu hlutirnir eru hinsvegar þeir að það enduðu sjö 2.fl strákar leikinn á fös og í dag voru fimm þeirra í byrjunarliðinu. Dyrmæt reynsla sem þeir fá en ljóst að við verðum að þétta okkar leik og fara næstu vikur í það að laga það. 

Óli Stefán

Við spilum 2 leiki í deildarbikarnum um helgina. Þetta eru leikir sem við færðum til að geta tekið 2 leiki í sömu ferð. 

Á föstudaginn spilum við við KV í vesturbænum. KV er liðið sem vann 3ju deildina í sumar og spila því í annari deild næsta sumar. Þeir töpuðu 1-0 á móti Aftureldingu í fyrstu umferð. Leikurinn er kl 20.00 á gervigrasinu í Frostaskjóli.

Sunnudaginn 18.mars eigum við síðan leik við Aftureldingu í Mósó. Þeir eru með mjög gott lið í annari deild og ég veit fyrir víst að þeir ætla langt í sumar. Þeir unnu B deildina í lengjubikarnum í fyrra. Leikurinn byrjar kl 12.00 á Varmárvelli.

Óli Stefán